बलिउड अभिनेत्री सोनम कपुर अहिले व्यवसायी आनन्द आहूजासितको अफेयरलाई लिएर चर्चामा छिन् । भारतीय सञ्चारमाध्यमका अनुसार सन् २०१७ को अन्त्यमा आफ्नो प्रेमलाई विवाहमा बदल्ने योजना सोनमको छ ।

त्यसो त सोनमले आफ्नो लभ अफेयरको विषयमा अहिलेसम्म सार्वजनिकरुपमा बोलेकी छैनन् । अर्को वर्ष विहेको सम्भावनाबारे पत्रकारले जिज्ञासा राख्दा उनले आफ्नो व्यक्तिगत जीवनमा चासो नदिन आग्रह गरिन् ।

रुस्तमको सक्सेस पार्टीमा यो जोडी पहिलोपटक एकसाथ देखिएको थियो । केही समयअघि उनीहरु बिदा मनाउन सँगै लण्डन गएका थिए । लन्डनमा सोनमको एक निकट साथीको बिहेमा दुवै जना म्याचिङ ड्रेस लगाएर सहभागी भएका थिए ।